කොළඹ නගරය තුළ සුරක්ෂිත, ජීවත්වීමට සුදුසු සහ ගෞරවනීය නිවාස සඳහා ප්‍රතිපත්තියක්
කොළඹ නගරය තුළ බොහෝ පවුල් පිරිසිදු ජලය, සනීපාරක්ෂාව හෝ ව්‍යුහාත්මක ස්ථායිතාව සීමිතව ඇති අනාරක්ෂිත මහල් නිවාසවල හෝ අවදානම් ජනාවාසවල ජීවත් වෙති. ආරක්ෂිත පියෙසි හා සවිමත් මූලාංකුර ව්‍යාපෘතිය මගින් පවතින නිවාස වැඩිදියුණු කිරීම, අධි අවදානම් ප්‍රදේශ වල ජීවත්වන පුද්ගලයින් සාධාරණ අයුරින් යළි පදිංචි කිරීම සහ සුපැහැදිළි ප්‍රවේශය සහතික කරනු වස් ඩිජිටල් ලේඛනයක් ආරම්භ කිරීම මගින් මෙම ගැටලුව විසඳීමට කටයුතු කරයි. එය වූකලී නගරයේ සෑම නිවස්නකම ගෞරවය සහ ආරක්ෂාව යළි ස්ථාපිත කරීම සඳහා වන සැලැස්මකි.
ප්‍රධාන පාර්ශවකරුවෝ
- නාගරික සංවර්ධන අධිකාරිය
- කොළඹ මහ නගර සභාව
- ජාතික නිවාස සංවර්ධන අධිකාරිය
- පුද්ගලික සංවර්ධකයින් සහ කොන්ත්‍රාත්කරුවන්
- සහාධිපත්‍ය කළමනාකරණ අධිකාරිය
නිවාසවල වත්මන් තත්ත්වය
- කොළඹ ජනගහනයෙන් සැලකිය යුතු කොටසක් යටිතල පහසුකම් අවම මට්ටමක පවතින ජනාවාසවල ජීවත් වන අතර, ඔවුන්ගෙන් බොහෝ දෙනෙකුට මූලික සනීපාරක්ෂක පහසුකම් හෝ සුරක්ෂිත නිවාස නොමැත.
- ඇතැම් පිරිස් සංවර්ධනය සඳහා නම් කර ඇති හෝ ජල ගැලීම්වලට යටවිය හැකි ප්‍රදේශවල ජීවත් වෙති.
- බොහෝ දෙනෙකුට නීත්‍යානුකූල අයිතියක් නොමැති වීම නිසා ඔවුන් ඉඩම්වලින් ඉවත් කිරීමේ අවධානමකට ලක්විය හැකිය.
- රජයේ මහල් නිවාස අධික ලෙස ජනාකීර්ණව පවතින අතර දුර්වල ලෙස නඩත්තු කර ඇත.
- නව නිවාස යෝජනා ක්‍රම බොහෝ විට පාසල්, රැකියා සහ සේවා ස්ථානවලින් දුරස්ථව ඉදිකර ඇත.
දැනට අප සතු දෑ කවරේ ද?
- අවිධිමත් ජනාවාසවල ජීවත්වන පවුල් ඉවත් කිරීම් හෝ ගංවතුර පිළිබඳ බියෙන් ජීවත් වෙති.
- ජලය, සනීපාරක්ෂාව සහ අපද්‍රව්‍ය එකතු කිරීම සඳහා දුර්වල ප්‍රවේශයක් පවතී.
- නඩත්තු කටයුතු සඳහා අරමුදල් නොමැතිව ගරා වැටුණු රාජ්‍ය නිවාස සංකීර්ණ පවතී
- නව නිවාස වෙන් කිරීම් සඳහා දිගු පොරොත්තු ලේඛන පැවතීම.
- නිවාස, ඉඩම් සහ උපයෝගිතා කළමනාකරණය කරන ආයතන අතර සම්බන්ධීකරණයේ දුර්වලතා පැවතීම
- නගරයේ යළි පදිංචි කිරීම කිරීම හෝ නිවාස වැඩිදියුණු කිරීම් සම්බන්ධයෙන් ක්‍රියාත්මක ප්‍රතිපත්තියක් නොමැත.
අප විසින් වැඩි දියුණු කළ යුත්තේ කුමක්ද?
- අවිධිමත් ගෘහ සහ නිවාස තත්වයන් පිළිබඳ පොදු ලේඛනයක් සකස් කිරීම.
- හානියට පත් රජයේ මහල් නිවාස අදියර වශයෙන් අලුත්වැඩියා කිරීම ආරම්භ කිරීම.
- පවතින ජනාවාසවල ජලාපවහනය, අපද්‍රව්‍ය රැස් කිරීම සහ ජලය සඳහා ප්‍රවේශය වැඩි දියුණු කිරීම.
- දිගුකාලීන පදිංචිකරුවන්ට ඉඩම් අයිතිය හෝ වාසය කිරීමේ අයිතිය ලබා දීම.
- ජීවනෝපාය සහ පාසල් සඳහා ප්‍රවේශය සුරැකෙන පරිදි යළි පදිංචි කිරීම සම්බන්ධයෙන් පැහැදිලි මාර්ගෝපදේශ ලබා දීම.
- නිවාස පිළිබඳ සැලසුම් සහ තීරණවලට එළඹීමේදී ප්‍රජා සාමාජිකයින් සහ පදිංචිකරුවන් ඒ සඳහා සම්බන්ධ කර ගැනීම.
අප හඳුන්වා දෙන නව අංග මොනවාද?
- සෑම පෙදෙසකම “ගෞරවසම්පන්න නිවාස කලාප” ආරම්භ කිරීම – නිසි වැසිකිළි, සෙවිලි සහ ආරක්ෂාව සහිත වැඩිදියුණු කිරීම් සිදු කිරීම.
- අඩු ආදායම්ලාභී පවුල් සඳහා ආරක්ෂිත ඒකක සහිත මිශ්‍ර ආදායම් නිවාස ඉදිකිරීම සඳහා පෞද්ගලික අංශය සමඟ සම්බන්ධවී කටයුතු කිරීම.
- සෑම නාගරික ප්‍රදේශයකම නිවාස පිළිබඳ පැමිණිලි භාරගැනීම සහ අයදුම්පත් නිකුත් කිරීම සඳහා සහාය වීම පිණිස නිවාස සහාය කවුළු ස්ථාපිත කිරීම.
- නිසි ආලෝකකරණය, ක්‍රීඩා පිටි සහ ආරක්ෂිත පදික වේදිකා සහිත ළමා ආරක්ෂිත සැලසුම් හඳුන්වා දීම.
- අඩු ආදායම්ලාභී ප්‍රදේශවල දැනට නොසලකා හරින ලද අවශ්‍යතාවයක් වන පවුල් සඳහා ගෞරවනීයව, දැරිය හැකි මිලකට අවමංගල්‍ය ශාලා සහ පිළිගැනීමේ ශාලා අවකාශ ලබා දීම සඳහා ප්‍රධාන අසල්වැසි ප්‍රදේශවල නාගරික අවමංගල්‍ය ශාලා සහ පිළිගැනීමේ ශාලා ඉදිකිරීම.
ක්‍රමවේදය විනිවිද භාවයෙන් හා වගවීමෙන් යුක්ත කිරීම.
- සියලුම රජයේ නිවාස ව්‍යාපෘති සහ නඩත්තු තත්ත්වයන් පිළිබඳ පොදු දත්ත ගබඩාවක් පවත්වාගෙන යාම.
- නිවාස වැඩිදියුණු කිරීම්, නව ඉදිකිරීම් සහ නොවිසඳී ඇති ගැටළු පිළිබඳ තොරතුරු මාසිකව යාවත්කාලීන කිරීම.
- නිවාස සැලසුම් සහ අයවැය සඳහා පුරවැසි ප්‍රවේශය.
- නගරාධිපති කාර්යාලය විසින් වාර්ෂික නිවාස වාර්තාව ප්‍රකාශයට පත් කිරීම.